A.C.D.X. FASQUIA

A "Jalerna" Vencedora do VI Trofeo Fasquía

2010-06-06T03:30:00.000-07:00

A "Jalerna" de Ricardo e Carterola foi a vencedora da VI edición do tTrofeo Fasquía. A tarde estivo expléndida para regatear con un vento constante do NE de uns 12 nós de intendidade.

A saida deuse as 16:30 da tarde na punta do campelo cara a boia de desmarque que estaba na punta do peirao do xufre, saindo a un largo-empopada que provocou que chegaran as dornas moi xuntas. A primeira en pasar foi a Jalerna, seguida moi preto pola Fuxe da familia Parada do Grobe, que pronto se poría na primeira posición. Despois de pasar o Faro do Xeixo un erro da Fuxe poría a Jalerna en primeira posición que xa non perdeu prácticamente en toda a proba.

A Clasificación xeral quedou como segue:

1º JALERNA
2º NÉCORA
3º FUXE
4º CARIÑOSA
5º BAZARRA
6º CARACOLA
7º RONA
8º XARANDEIRA
9º ARDENTÍA
10º MIMELA
11º FAVORITA
12º PETELA
13º FORZA R
14º BETTY BOO
15º CAMELIA
16º ZENAIDA
17º XAIMIÑA
18º ROSALÍA
19º Mª DOLORES
20º PELIJATA
21º TIXOSA
22º ESTELA
23º HABANA
24º ROXIÑA
25º PAPOULA
26º MONTAÑESA
27º Sª MARÍA
28º 2ª DORITA
29º MOURA
30º MARISTELA
31º FREIXANA
32º BANDALLA
DESC. JAIVOTA

DESC. NEREA
DESC. PINTORA
DESC. NOELIA

VI TROFEO FASQUÍA

2010-05-28T08:07:00.000-07:00

Hoxe Venrres tivo luger no salón de plenos do Concello de A Illa a presentación do VI trofeo Fasquía de Dornas a vela. No acto estivo presente o Alcalde Da Illa Xosé Manuel Vázquez, Uxio Allo en representación da Federación Galega pola Cultura Marítima e Fluvial e o Presidente de Fasquía que non me lembro do nome..... Tamén estiveron presentes todos os medios de comunicación, Voz de Galicia, Faro de Vigo, Diario de Arousa e Telesalnés. Tamén pudemos ver o Spot que fixemos para a ocasión que está sendo emitido en Telesalnés.

Actualización: A Noticia da presentación nos medios.

http://www.lavozdegalicia.es/arousa/2010/05/29/0003_8514511.htm?idioma=galego
http://www.diariodearousa.com

1ª Fase Lista

2010-04-10T13:33:00.001-07:00

Rematamos de ponerlle as catro táboas que estaban estragadas e agora procedemos a darlle a volta, porque toca poñerlle a quilla (quedou partida en dous) , as táboas da quilla, e a táboa do plan de popa do costado de babor, porque tiña un rizón clabado.

Máis do mismo

2010-03-20T14:04:00.000-07:00

Seguimos ponéndo táboas e facendo madeiros novos. Esta vez tocoulle a táboa de "virar" de proa.

Seguimos co chollo

2010-03-13T13:17:00.001-08:00

Despois de quitar as táboas que estaban estragadas agora empezamos a poñer as novas. Como vedes os "soleiros" da cadeira tamén hai que poñelos novos, e tamén todos os madeiros do costado de estribor.

Presentamos no sitio a táboa de "virar " de popa.

Reconstruíndo a Sobrada

2010-02-24T13:30:00.001-08:00

Pois ben, pasado o temporal,(aínda que parece que non saímos del) hai que empezar o chollo ( que vaia chollo), según algúns esta dorna non vale a pena reparala, pero bueno, que nos se diga, sempre é mellor recuperar que facer de novo (polo menos ten máis mérito).

Comenzamos quitando as tablas que estaban estragadas para facer outras por elas. E non é doado porque oubo que reconstruílas tomando plantillas polas táboas do costado de babor.

Aqui tedes a Sobrada sen o costado de estribor enteiro.

Bueno, de momento é o que hai, que bastante é, a medida que vaia facendo xa vos darei conta

Un Temporal sen avisar

2010-01-22T11:17:00.000-08:00

A noite do Xoves 14 de Xaneiro non dormimos por culpa do temporal de vento "do alto" como aquí chamamos ao vento do NW. Foi un temporal que nadie predixo e colleunos a todos por sorpresa. A eso da 2 da mañan fun ata o muelle do Xufre a comprobar como estaban os barcos e o panorama que atopei era desolador. Sen luz, e polo camiño tellas e muros das casas tiradas, àrbores tirados,parecía que pasara un tifón, e chegando o muelle estaba cheo de xente mirando como a forza do vento facia estragos sen poder facer nada. O resultado 5 barcos de batea na praia por romperlle as "barbas" do morto e outros tantos pendentes de un fío. Na praia que está no muelle donde tiñamos a "Sobrada" fondeada a "derrepa" o vento e o mar arrastrouna a ela e a todo o que había na praia empotrándoas contra o paseo maritimo quedando todas unhas encima das outras.
Aqui tedes unhas fotos de como quedou.

A "Marilena" tamén tivo averías pero non foron tan graves.

Pero aínda puido ser peor pois a esta solo lle quedou parte da proa.

Agora toca evaluar danos e repar o que se poida.

II Regata de Clásicos de San Vicente

2009-08-26T12:25:00.000-07:00

O Domingo día 23 de Agosto celebrouse en San Vicente a II Regata de Clásicos, e aínda coa resaca e tensión da Regata do Ba, partimos o Domingo as 9 : 00 da mañá eu e máis Odilo na Lavanqueira. Como non había vento tivemos que ir a motor.

A regata participaron en total 19 Barcos, dos cales nós eramos dos máis pequenos. O vento foi bastante intenso, non para os barcos grandes que eles seguro que agradeceron este vento, senón para nós que con solo 2 tripulantes tivemos que roubarlle tripulación o Novo Sofía, o sea que veu Xaquin con nós.

O Zorba e o Mizar en plena disputa.

Aquí temos a dorna Sara que estaba de estreno, quedou realmente moi fermosa.

O Novo Sofía primeiro na categoría de construídos antes do 1950

SINGLADURA AROUSA - MUROS

2009-07-05T02:36:00.001-07:00

Onte Sábado partimos da praia da Canteira na Illa de Arousa dirección a Muros para asistir os IX Encontros de Embarcaciós tradicionais de Galicia. Por diante quedaban arredor de 28 Millas náuticas e as previsións de vento pola mañá non eran moi boas pero había que sair con tempo polo que poidera pasar.

Era as 7: 30 cando desmarramos do morto e botamos a vela arriba pero como vedes na imaxe o mar estaba como un plato asi que decidimos meter o motor foraborda.

Xusto saía o sol por riba de Lobeira e nos seguimos a motor ,¡ parece que quere vir un ventiño! decíamos, pero era rizados que despois quedaban en nada.

Xa levamos cerca de unha hora a motor e encontrámonos no medio da Ría con Rúa de fondo. Para pasar o tempo collemos a carta e ímonos situando tomando demoras a varios faros e así saber a posición e velocidade. Resultado que navegamos arredor de 5 nudos.

Pasamos o carreiro de Sagres e seguimos sen vento, pero vemos que fai bastante mar de fondo. Non vemos nin a Meca nin as dornas de Riveira que saían o mesmo día.

Pasando xa Sagres vemos ao fondo unha dorna que tamén ven a motor. Mirámos cos prismáticos e comprobamos que e unha dorna de Lajareu, a Ardentía. Preguntámoslle polos demais e dinos que veñen detrás deles.

Son arredor das 11: 00 da maná e xa pasamos o Faro de Corrubedo. Seguimos sen vento. A fame xa enpeza a apretar e comemos algo acompañado de un grolo de viño.

A altura das Basoñas parece que por fin entra algo de vento. Levantamos o motor e dámoslle máis para fora pois vese máis vento.

Vemos xa Monte Louro na proa e vamos no mesmo rumbo para facer unha transluchada despois.

Son cerca das 12:30 e vamos con ventiño agradable do W que vai rolando a NW.

Chegamos a Muros sobre as 1:45 e decidimos ir para o muelle e comer algo quente en terra.

Xa atracados ao muelle vemos a unha parella de noivos e Manolo di: ! ainda nos van decir se poden quitar unah foto! E así foi a Lavanqueira recen estreada facendo de estudio fotográfico.

Xa despois de comer levamos a dorna para o plantalán a uha praza provisional, ata que os mariñeiros saquen as súas embarcacións para deixar libre para os encontos.

A "Cariñosa" venceu no V Trofeo Fasquía

2009-06-06T15:39:00.000-07:00

A "Cariñosa" de Checo e Victor proclamouse campeona do "V Trofeo Fasquía",por segundo ano consecutivo, celebrado hoxe na Illa de Arousa.

A regata transcurriu con vento do W que dou moito espectáculo. Con saída en un través, para contunuar con un largo hacia o Faro do Xeixo, e logo unha boa bolina dirección a Boia de delimitación dos polígonos de bateas para continuar ao Peirao do Xufre con outro largo.

Despois de unha maña de tormentas a tarde quedouse ideal para regatear, sen sol e con bó vento que fixo disfrutar as 34 dornas que participaron.

O resto do podio completarono a "Nécora" de Braulio e Harri e terceiro posto foi para a "Jalerna" de Ricardo e Carterola.

Actualización:

A Clasificación da regata foi a seguinte:

Posto Nome dorna
1º Cariñosa
2º Nécora
3º Jalerna
4º Bazarra
5º Mimela
6º Fuxe
7º Caracola
8º Lusiña
9º Xarandeira
10º Forza R
11º Zenaida
12º Sandra
13º Tixosa
14º Ardentía
15º Favorita
16º Maristela
17º Rosalía
18º Bandalla
19º Volandeira
20º Siña Maria
21º Fanequeira
22º Semparada
23º Estela
24º Mª Dolores
25º Bicoca
26º Bety Boop
27º Segunda Dorita
28º Lura
//// Montañesa
//// PoÇa do Sal
//// Laberca
//// Jloria
//// Doa
//// Sobrada

PRESENTACIÓN DO V TROFEO FASQUÍA

2009-05-28T08:05:00.000-07:00

Hoxe tivo lugar no salón de plenos do concello de A Illa de Arousa a presentación do V Trofeo Fasquía. Ao acto estiveron presentes o Alcalde de A Illa D. Xosé Manuel Vázquez, Uxío A llo como representante da F.G.C.M.F. eu como representante de Fasquía e tódolos medios de comunicación locais. Ao comenzo puxemos un Spot que estamos emitindo en Telesalnés con unhas bonitas imaxes, despois presentamos o percorrido que será un triángulo de unhas 4 millas que irá dende o peirao do Xufre ata o Faro do Xeixo para despois enfilar a boia de delimitación das bateas e regresar ó peirao do Xufre, tendo que dar 2 voltas ó triángulo.

Logo desto fixemos un breve resume das actividades que levamos a cabo, así como tamén nos actos que temos previsto participar.

Ao remate tomamos un viño Galego e un pincho.

Xa sabedes que tedes unha cita o día 6 de Xuño no peirao do Xufre da Illa de Arousa as 16:00 H.

Esperámosvos a todos

Máis sobre a botadura

2009-05-09T14:38:00.002-07:00

Aqui vos deixo os videos da botadura, e a cobertura de prensa.

http://www.diariodearousa.com/

http://www.lavozdegalicia.es/arousa/2009/05/10/0003_7707267.htm?idioma=galego

http://www.farodevigo.es/secciones/noticia.jsp?pRef=2009051000_17_325313__Portada-de-Arousa-Fasquia-recupera-Lavanqueira-tipo-embarcacion-casi-desaparecida

Por certo se queredes visitar a nosa paxina web o enderezo e:

http://www.fasquia.org/

Botadura da "Lavanqueira"

2009-05-09T13:51:00.000-07:00

Despois de catro anos Fasquía fixo hoxe realidade o seu proxecto: " A Lavanqueira por fin navega na Ría de Arousa". Unha auténtica xoia, e non é porque o digamos nós, é que a realidade é esa, non hai máis que ver as fotografías, unha obra de arte dos nosos carpinteiros de Ribeira da Arousa, rematada polo noso presidente Santy que se esmerou pintandoa.

A botadura foi unha gran festa, como antigamente, comida, bebida e boa música, e un gran número de amigos/as que nos acompañaron nesta celebración. É que a verdade, a "Lavanqueira" estivo moi ben agarimada por tódolos aistentes.

Así dende Fasquía queremos dar as gracias a tódolos que participaron de algunha forma en facer posible que a "Lavanqueira" hoxe este no mar e queremos animar a tódalas asociacións a que formen parte do "Desafío a Tope" igual que nós.

Noticia da botadura

2009-05-05T02:27:00.000-07:00

Hoxe no Faro de Vigo, na edición Arousa, sale a noticia da botadura da nosa dorna. Aquí vos deixo o enlace;

http://www.farodevigo.es/secciones/noticia.jsp?pRef=2009050500_17_323441__Portada-de-Arousa-botadura-Lavanqueira-consolida-tipicas-dornas-tope

Preparando para a botadura

2009-05-01T03:56:00.001-07:00

Logo de 4 anos de que comenzara este proxecto, e duro esforzo na procura de financiamento, por fin imos proceder a botadura. Só quedan os últimos detalles como pintar o leme e darlle patente.

O "Desafío a Tope" é un proxecto que nace no seo da FGCMF co fin de recuperar unha das embarcacións máis significativas das Rías Baixas e da Costa Galega, “A Dorna de Tope”. A denominación “Desafío” corresponde có proxecto de dinamización socio-cultural e recuperación da “Dorna de Tope” e ten como referencia o esforzo das tripulacións de antano por chegar a porto con vantaxe para vender as capturas ao mellor prezo.

O proxecto consiste na elaboración de planos constructivos e proxecto de construcción dunha dorna de tope que se corresponde coa tipoloxía de “dorna de tope” tradicional e que sirva de modelo para a reconstrucción de réplicas idénticas que competirán no DESAFÏO A TOPE, un proxecto de difusión socio cultural e deportivo da FGCMF que convocará anualmente as tripulacións de cada porto para amosar as embarcacións recuperadas, exhibir as técnicas de navegación e recrear a competición das tripulacións das dornas de tope por chegar á porto.

OBXECTIVOS
- Recuperación da dorna de tope como tipoloxía de embarcación tradicional galega de acordo a un modelo tipo.
- Dinamización da dorna de tope como embarcación con potencial de navegación, barco escola, e actividades complementarias de estudio e divulgación etnográfica
- Participar nun proxecto innovador na difusión deportiva de embarcacións tradicionais como estratexia de defensa e difusión do patrimonio a e cultura marítima.
- Fomentar a colaboración entre entidades sociais, culturais, empresas e administración en proxectos de dinamización da cultura e o patrimonio marítimo.
- Dar carga de traballo aos mestres da carpintería de Ribeira para evitar a súa desaparición.

CRONOLOXÍA-TEMPORALIZACIÓN DO PROXECTO

O proxecto de construcción da Dorna de Tope vaise realizar en distintas fases debido o seu alto custe, polo de pronto xa hai 2construídas (a “Peza de Rabo” da asociación Dorna de A Illa de Arousa) e a "Lavanqueira". En breve se levarán a cabo máis construccións, xa que son varias as asociacións galegas que participan nel.

CARACTERÍSTICAS TÉCNICAS

Construcción: a tope

Eslora: 7,27 m

Manga: 2,46 m

Puntal: 1,28 m

Calado casco: 0,44 m
Desplazamento: 1.440 Kg

Lastre: 200 Kg

Tipo vela: relinga

Superficie vélica: 28 m2

Madeira: pino país e carballo

A botadura vai ser o Sábado día 9 de Maio as 5 da tarde nos Asteleiros de Manuel Mougán, que están na praia de Riasón na Illa de Arousa a que por suposto estades todos invitados. Ide facendo un oco na vosa axenda.

Esperámosvos.

Nova socia de A.C.D.X. Fasquía

2008-11-17T13:14:00.001-08:00

O venrres día 14 de Novembro as 18: 30 incorporouse unha nova socia a nosa asociación. Chámase Xiana Mougán Leiro e ten 3 días de vida.

CEA DE FINAL DE TEMPADA

2008-10-19T04:34:00.000-07:00

Onte Sábado, como tódolos anos celebrouse a cea de final da tempada organizada por A.C.D. Dorna e a F.G.C.M.F. Nesta cea púxose un video de Brest 2008, que foi a actividade que marcou esta tempada. A cea asistiron navegantes, xentes de mar, xentes de terra, carpinteiros, camioneiros que nos levan os barcos cando nos desprazamos, e tamén asistiron compoñentes do grupo Treixadura e Leilía que asistiron a Brest con nós.
Nesta cea tamén se entregaron os trofeos do "IV Trofeo Galicia de Dornas a Vela", e os tres primeiros foron en terceiro posto a Xarandeira de un servidor, o segundo foi a Nécora de Braulio e Harri e gañador desta edición foi a Cariñosa de Checo e Víctor.

Despoi da cea tivemos música e baile da nosa terra como non podia ser menos, tendo en conta a xente alí presente.

Xuntanza blogueira

2008-10-05T10:20:00.000-07:00

Foto sacada de GALICIA O NOSO LECER

Onte Sábado celebrouse en San Vicente unha xuntanza blogueira de blogs de temática mariñeira. A min olvidouseme a cámara na casa pero gracias a o blog GALICIA O NOSO LECER da que collin prestada esta instantánea da chegada de Morling. A verdade é que eu estiven asombrado da sabiduría que ten este home, e de como se emociona o falar das embarcacións tradicionais galegas. Eu podería estar horas escoitándoo sen cansarme. Logo de facer un percorrido polas embarcacións expostas, da que Morlins se extendía e nos contaba cando él chegou a Galicia en Outubro do 1963 e nos explicaba apaixoado cada detalle que os informantes contábanlle naquel tempo de cada unha das embarcacións, fomos xantar a eso das 4 da tarde.

Despois tivemos unha mesa redonda na que cada un preguntaba a Morling o que pensaba de temas de cultura mariñeira.

A verdade é que foi un día moi agradable na compaña de outros bloguers que esperemos que se repita pronto.

Un saúdo a todos os que estivéstedes alí.

Xuntanza blogueira

2008-09-24T09:11:00.001-07:00

O vindeiro Sábado día 4 de Outubro vai ter lugar unha xuntanza blogueira en San vicente. Estades todos convidados. Máis información en http://unamiradaalariadevigo.blogspot.com/

Pintando a Lavanqueira

2008-09-24T09:03:00.001-07:00

Nestes días estamos pintando a Lavanqueira. O color final é o que podedes ver. ¿que vos parece? Falta unha franxa branca na trancanil , o patente que será color branco e por dentro será color teca.

Rematamos a construcción

2008-08-31T03:40:00.000-07:00

Xa rematamos a contrucción da nosa dorna, agora tocalle ós detalles e pintala.

Vemos tamén o pau xa listo coa fogonadura.

Vemos a Juán Servando estopeando os topes dos bordos.
Aqui temos a Jorge cepillando as táboas por fóra para que quede o máis lisa posible.
Neste plano vemos un costado xa con unha man do color que vai levar.

Empezando o banceado

2008-08-16T12:22:00.001-07:00

Despois de rematar a cuberta agora tócalle o turno a última fase, o banceado.

Aqui temos a Jorge asentando un bordo.

Manolo tallándolle un peixe na proa

Vemos que o acabado final no ten desprecio.

Nesta imaxe podemos ver a Juan Servando repasando o alefriz para que encaixe perfectamente a táboa da quilla.

Aquí vemos fasquiando un bordo, como vedes clávase unha taboa fina chamada "fasquía" e tomanse as medidas e os "cortamóns" (ángulos en cada parte da táboa) da próxima táboa.

Vemos o pau secando dentro do asteleiro coa dorna ao fondo.

Rematamos de todo a cuberta

2008-08-07T12:07:00.000-07:00

Poden vera cuberta encintada, preparada para darlle o sellante.

Aqui vemos a fogonadura, coas tallas que fixo Manolo.

Hoxe, despois de cinco meses no mar, subimos o pau para o taller para que remate de secar.

Vemos aqui a Jorge, preparando para poñerlle a tapa regala.

XX Regata do Bao

2008-08-02T13:45:00.001-07:00

Hoxe Sábado tivo lugar a XX edición da regata do Bao. A tarde estivo estupenda para navegar con un vento alegre do Oeste. A idea de variar o percorrido foi xenial, pois sacámonos da monotonía dos triángulos, porque así tivemos 3 bolinas estupendas para ter tempo para todo. A ver si nas vindeiras regatas nos aplicamos o conto e copiamos co exemplo.

Os gañadores foron Dorado e Chica coa "Pereca", segundos a" Cariñosa" con Víctor e Checo e terceiros fomos nós a "Xarandeira" que mantivemos un gran "desafío" coa "Cariñosa", que o final nun último cambio nos gañaron a partida. Cuartos foron os da "Fuxe" coa familia Parada do Grobe e quintos a "Nécora".

Aquí vos deixo unhas instantáneas da tarde tan agradable.

A "Pereca" con Dorado e Chica gañadores desta edición, xa os botábamos de menos.

A "Bicoca" cos nosos amigos Telmo e Pelouro de Portonovo, con un pequeno percance. Xa vedes por momentos o vento era bastante Xeitoso.

A "Lavanqueira" xa ten a cuberta lista

2008-07-23T12:05:00.000-07:00

Despois de vir de Brest fumos a visitar o asteleiro e os traballos están como podedes ver. Xa ten a cuberta lista e agora toca poñerlle os barraganetes para rematar a obra morta.

Máis sobre Brest

2008-07-23T11:29:00.001-07:00

Treixadura en plena actuación.
A marea azul comendo nos barcos o día de Galicia.
A "Sobrada" navegando entre dous barcos.
Embarcacións Galegas o día do desfile.

Aqui temos unha imaxe sentadiños, ceando na cea de benvida que nos fixeron ao chegar o Xoves.

Unha vista do noso Vilage cediño pola mañá vista dende a costa baixando ó porto.

Aquí os de Treixadura acompañándono as tripulacións tocando o pantalán.

Os Croatas bogando.

Brest 2008

2008-07-18T13:18:00.000-07:00

Onte chegamos de Brest e a verdade é que bastante cansos. Foi unha bonita esperiencia sobre todo a convivencia e integración de toda a delegación que fomos. Aqui tendes unha primeira selección de fotos, pero tranquilos que hai moito material e hai que seleccionar.

Festa no Hidria cos de Treixadura.

Botadura de unha dorna o día de Galicia, coa conselleira de cultura e o alcalde de Brest.

Tabla de mar que como é tradición os países convidados regálanlle a organización.

A nosa dorna a "Sobrada" en primeiro plano coa flota de fondo

Os de Vietnam navegando balanceándose neste barco tipico do seu pais.

Un barco dos xaponeses que estaban cerca de nós.

Empezamos a facer a cuberta

2008-07-08T12:52:00.001-07:00

A día de hoxe xa vedes como están os traballos, comenzaron a poñer as "trancaniles".

Aquí vemos o rebaixe das que como vedes van "machihembradas", con un barrote polo medio. Despois levará un cordón de sellado por enrriba, entre táboa e táboa.

Xa temos a estructura da cuberta

2008-07-03T08:43:00.001-07:00

Como podedes comprobar os traballos de construción da nosa dorna seguen adiante. A día de hoxe xa temos case toda a estructura da cuberta e a estampa de popa xa lista. Pódese ver o espacio da bañeira de popa, a brazola do rancho de proa, só falta poñer a fogonadura para o pau e lista para empezar a botarlle a cuberta.

Neste plano vemos o mestre "Manolo" comprobando nas cadernas se asentan ben e rebaixádolle onde precise para que o asento dos bordos sea perfecto.

XXIV Volta á Arousa

2008-06-29T04:15:00.001-07:00

Onte celebrouse a XXIV edición da volta a Arousa organizada pola A.C.D. Dorna, na que se impuxo a "Cariñosa" con Victor e Checo. Como podedes ver acabaron tan contentos que Victor festexou a victoria lanzándose a auga. A alegría era porque protagonizaron unha espectacular remontada, pois iban segundos case toda a regata con unha ventaxa considerable, pero na última bolina, a Nécora que iba primeira meteuse nun sitio que o vento rolou, ésto foi visto pola Cariñosa que supo cambiar a tempo permitindolle a victoria.

Outra dorna que onte se estrenou foi a "Sobrada", dorna da nosa asociación que quedou na metade da táboa, facendo un brillante papel, que como podedes ver foi festexado como se quedaran primeiros.

A "Xarandeira" quedou no 5º posto.

Mans a obra de novo

2008-06-22T03:09:00.000-07:00

Despois de rematar a ponte do barco xa se puxeron máns a obra. Agora toca poñer os baos para distribuír a cuberta.

Vemos a Juán Servando marcando no "durmiente" para fara fecer a entalla onde encastre un dos baos de popa.

Aquí vemos os dous baos dónde vai o tambuche de proa.

Nesta outra instantánea vemos os dous baos da cadeira xa postos, e o da popa da tilla no sitio para marcar. Vemos tamén a liña posta de proa a popa para que todo estea centrado.

Vemos tamén a peza para a fogonadura do pau, que debe coller varias cuadernas.

A "Sobrada" lista para ir a Brest

2008-06-22T02:59:00.000-07:00

Aquí a vemos pintadiña con patrón incluído vixiando que niguén se acerque, non vaia a ser que lle poñan os dedos na pintura que aínda está fresca e queden as marcas.

A dorna que compramos para a nosa Asociación que se vai chamar "Sobrada" xa está pintada. O pasado Xoves botamola o mar para que inchara de unhas fendas que tiña. Esta vai ser a embarcación que levemos a Brest 2008 para representar a Galicza xunto con outras 24 embarcacións máis de todo o colectivo que imos a Brest.

Enrramada e amaarrada

2008-06-19T05:43:00.001-07:00

Nesta imaxe vemos como Manolo está a cortar parte de un bordo para asentalo na estampa de popa.

Aquí podemos ver a dorna xa coa cinta posta e nos deixa ver a liña da cuberta.

A día de hoxe a dorna témola enrramada e amarrada. Nestes días non se encontran traballando nela, pois están rematando a ponte de un barco

EXPOSICIÓN "GALIZA EN BREST"

2008-06-17T07:44:00.001-07:00

Aqui vemos preparando os cabos para facer a defensa co noso amigo Lino do Grobe agarrándome os cabos.

O Pasado Domingo tivo lugar en pontevedra a exposición itinerante "Galiza en Brest" para promocionar a asistencia a Brest de Galiza como país de honrra.

A nosa asociación estivo presente con unha dorna. Tamén estivemos realizando traballos ao redor da dorna como foron os de dar unhas trincas a proa para protexela cando a amarras, unhas trincas o banco do pau para reforzalo e protexelo de que non rompa, unhas trincas a caña para protexela de que non escache e por último fixemos unha defensa de cabo.

Nesta imaxe vemos a dorna que levamos e a defensa a medio facer.

Máis sobre a "Lavanqueira"

2008-06-12T07:57:00.000-07:00

Despois de uns días sen actualizar esto, por motivos da organización do IV Trofeo Fasquía, aqui tedes como están os traballos a día de hoxe. Como podedes ver xa temos case tódalas cuadernas no sitio, a escepción das dúas de popa e as tres de proa, pois éstas é mellor facelas no sitio para que non varie o ángulo do bance.

Podedes ver a plantilla para facer as cuadernas de proa e o ángulo chamado "cortamón". Para ésto clávanse uns barrotes para facer a forma do bance e ponse a plantilla como vedes. Despois tómanse os ángulos.

IV TROFEO FASQUÍA

2008-06-09T06:45:00.000-07:00

A gañadora do IV Trofeo Fasquía de dornas a vela 2008 foi a "Cariñosa", con Checo a caña e Victor a proa.

O pasada Sábado día 7 de Xuño celebrouse aqui na Illa o IV Trofeo Fasquía de dornas a vela. As condicións meteorolóxicas reinantes pola mañá, con ventos duros do NE, con rachas de ata 16 nós, casi fixo que tiveramos que suspender a proba. Menos mal que a 1ª hora da tarde baixou bastante quedando con ventos de arredor dos 12-13 nós. A participación foi bastante boa tendo en conta o vento que facía chegando as 26 dornas participantes.
A saída fixose dende o Campelo cara a o peirao do Xufre, con unha empopada dode chegaon sobre 10 dornas todas xuntas a boia pobocando un "Empacho" que foi visto pefectamente dende o peirao. (Na foto publicada no Diario de Arousa vese perfectamente). Despois tomouse unha bolina moi xeitosa cara o faro do Xeixo no que se empezaban a desmarcar os favoritos.
Xa na primeira volta as posicións quedaban bastante defunidas, pasando a Cariñosa, Nécora, Mimela, Maruxa e Xarandeira nas primeiras posicions.

Podedes ver na Voz
http://www.lavozdegalicia.es/arousa/2008/06/08/0003_6887225.htm?idioma=galego
e no Diario de Arousa http://www.diariodearousa.com/
as crónicas.
A clasificación final foi a seguinte:

CASIFICACIÓN DO IV TROFEO FASQUÍA

1º CARIÑOSA Dorna da Illa
2º NÉCORA Dornaa Illa
3º MIMELA Dorna da Illa
4º MARUXA Náutico Rodeira Cangas
5º XARANDEIRA Fasquía
6º FUXE Dorna Meca O Grobe
7º BAZARRA Dorna da Illa
8º CARACOLA Dorna da Illa
9º MOURA Dorna da Illa
10º JALERNA Dorna da Illa
11º FAVORITA Fasquía
12º PELIJATA Fasquía
13º VIKINGA Lajareu de Riveira
14º CACHI Lajareu de Riveira
15º FREIXANA Baído de Cambados
16º PENTA MORION Dorna da Illa
17º MONTAÑESA Dorna da Illa
18º PETELA Fasquía
19º MARISTELA Rabandeira de Vilanova
20º ESTELA Dorna da Illa
21º BICOCA Portonovo
22º BETY BOOP Dorna da Illa
23º GALANA Dorna da Illa
24º LURA Dorna da Illa
25º LABERCA Dorna da Illa
26º CHATI Dorna da Illa

PRESENTACIÓN DO IV TROFEO FASQUÍA

2008-05-28T11:08:00.000-07:00

Hoxe levamos a cabo a presentación do IV TROFEO FASQUIA DE DORNAS A VELA.
O acto levouse a cabo no concello de A Illa de Arousa, a él asistirón entre outros, a concelleira de medio ambiente e asuntos sociais, Mª Dolores Folgar Vila, a conselleira de muller, traballo e xuventude, Fátima Rivas, o secretario da Federación galega pola cultura marítima e fluvial, Uxio Allo García e o presidente de Fasquía, Santiago Mougán.

A presentación iniciouse cun video da edición do ano pasado cunhas imaxes moi impactantes de dornas navegando, o que entusiamou a tódolos presentes.
Esperamos que mañá saia en tódolos xornais e en TV Salnés, como apoio as regatas de dornas e a navegación tradicional.

un saúdo e xa sabedes que o 7 de xuño as 4 da tarde tedes unha cita na Illa no IV Trofeo Fasquía, esperámosvos!!

A "Lavanqueira" avanza

2008-05-28T00:35:00.001-07:00

Aqui vemos a madeira de carballo recén serrada para a quilla, roda e contraroda.

Neste outro plano vemos xa feita a quilla e roda.

Aqui temos como esta a día de hoxe, xa posta no sitio a quilla, roda, codaste e estampa de popa.

Vemos como Juan Servando e Manolo colocan a primeira caderna no sitio.

MODIFICACIÓN DA REGATA DE PORTONOVO

2008-05-25T03:40:00.000-07:00

A Regata de Portonovo que ía ser o día 31 de Maio, o final vaise celebrar o día 21 de Xuño.

Ídevos preparando, que só faltal 15 días para empezar a tempada, co IV Trofeo Fasquía.

Datas das regatas

2008-05-11T04:23:00.000-07:00

Como recordatorio para todos, poño as datas das regatas de este vran.

31 de Maio. Regata de Portonovo.

7 de Xuño. IV Trofeo Fasquía. (Trofeo Galicia)

14 de Xuño. IV Regata Area Seba. O Grobe.

19 de Xullo. Regata da Dorna. Riveira.

28 de Xuño. XXIV Volta a Arousa. A Illa de Arousa.

26 de Xullo. Regata dos Faros. O grobe (Trofeo Galicia)

2 de Agosto. XX Regata do Bao. A Illa de Arousa. (Trofeo Galicia)

9 de Agosto. IX Regata do Albariño. Cambados. (Trofeo Galicia)

23 de Agosto. II Regata Calmoseira. Cambados.

30 de Agosto. Regata de Vilaxoán. Vilaxoán.

6 de Septembro. Regata Lajareu. Riveira.

Bandeira da Asociación

2008-05-11T04:02:00.000-07:00

Esta vai ser a bandeira da nosa Asociación, despois da Asamblea de socios celebrada onte.

Nova dorna para Fasquía

2008-05-05T13:25:00.000-07:00

O pasado día 11 de Abril adquirimos unha dorna para a nosa asociación. Esta é a primeira dorna que pertence a nosa asociación, ainda que temos catro dornas máis que ainda que pertencen a asociación son dos propios socios.

Agora mesmo témola arriba cambiandolle a proa que estaba escachada e prepararlle o temón, cana, pau.

Esta dorna vai ser a que levemos a Brest 2008 representando a nosa asociación, que xunto con 24 embarcacións máis representarán a Galiza nesta cita na que Galiza e invitada de honrra.

Despois desta cita estara a disposición de tódolos socios para navegar e participar nos diferentes eventos que hai durante o verán.

COMEZAMOS A CORSTRUIR A DORNA DE TOPE

2008-04-09T13:03:00.000-07:00

O Luns día 24 de Marzal comezamos a construir a dorna de tope nos asteleiros de Manuel Mougán, situado na praia de Riaxón, na Illa de Arousa.

Aqui vemos a "Juan Servando cortando unha caderna.

Careando a caderna ca aixola e comprobando coa falsa regla.

Marcando a "varenga" coa plantilla. Vemos o fondo outra xa feita.

Xa temos as seis primeiras cadernas, da maestra pa popa, coa primeira man dada de "Xilamón".

Neste plano vemos a Manuel Mougán marcando a estampa de popa. O fondo vemos o fillo facendo a estructura para a ponte de un barco.

Aqui o pau, un mes despois de cortalo. Como podedes ver está no mar, que según os entendidos e para que se poña máis duro e a vez se vaia curando.

Picando pinos no monte

2008-03-02T05:13:00.000-08:00

O Luns 25 de febreiro comenzou a facerse realidade o noso primeiro proxecto. Fomos a picar o pino para o pau da nosa dorna de tope que se vai chamar "Lavanqueira".

A dorna vai ser a segunda que se costrue para o proxecto "Desafío a tope", proxecto que nace no seo da Federación Galega pola cultura marítima e fluvial (FGCMF), co fin de dinamizar estas embarcacións practicamente extinguidas para recuperalas e facer regatas entre os diferentes clubes, como antigamente facian os homes que traballaban nelas e tiñan que chegar antes aos portos para vender primeiro e polo tanto vender mellor.

Ali estabamos eu e o mais o noso amigo "Larri", o "frajeiro da escola da A.C.D. Dorna"

A verdade é que nos costou bastante traballo, e fixonos sudar bastante, tendo en conta que o cortamos coa machada.

O final despois de moito darlle caeu pero como medimos mal quedounos enganchado en outro pino do lado. Tivemos que coller un cabo e largarllo ao medio e tirar por él. Gracias que veu Ruben outro compañeiro e nos axudou.

Xa coa noite metida empezamos a quitarlle a caropa pero xa era tarde e tivemos que deixalo para outro día.

O xoves trasladamolo primeiro por terra ata a praia da "Area da secada", que traballiño nos dou, e despois de remolque pos mar ata a praia de Riasón, praia a caron do asteleiro de Manuel Mougán onde se vai costruir a dorna.

Gracias a" Sergio das laxes" o "Fly" o "Ford" o "Nelo" o "Guiller" e como non a "Larri".